Thursday, May 31, 2012

ආලෝකය , දල සේයා පට හා සංවේදක

කලින් ලිපියක් ඉවර කරන වෙලාවෙ කිව්ව වගේ ඡායාරූප කලාව කියන්නෙ ආලෝකයෙන් චිත්‍ර ඇදීමේ කලාවක්.
ඡායාරූපයක් නිර්මානය වෙන්න නම් යම්කිසි ප්‍රමානයක ආලෝකයක් තියෙන්නම ඕනේ.

ඉස්කෝලෙ භෞතික විද්‍යාව පාඩම මතක අය දන්නව ඇති ආලෝකය කියන්නෙ විද්‍යුත් චුම්භක තරංග විශේෂයක්.
විද්‍යුත් චුම්භක වර්ණාවලියේ හරිමැද්දට වෙන්න තමයි අපේ ඇහැට පෙනෙන දෘශ්්‍ය ආලෝක පරාසය පිහිටල තියෙන්නෙ.මේ දෘශ්‍ය අලෝක ප්‍රාසයේ තමයි අපිට පැහැදිලිව වෙන් කරල හදුනගන්න පුලුවන් දේදුන්නෙ පාට හත අඩංගුවෙලා තියෙන්නෙ.



ඉස්සෙල්ල ඉතිහාස පාඩමක් දැං මෙන්න භෞතික විද්‍යාව පාඩමක් :P  ෆොටෝගැෆි ගැන නෙමෙයිද මේ බ්ලොග් එකේ තියෙන්නෙ???  :/
:)

ඡායාරූපකරනය කියන්න ඒ වගේ අපූරු කලාවක්. ඉතිහාසය,භෞතික විද්‍යාව,රසායන විද්‍යාව,මනෝ විද්‍යාව,ගණිතය,සාහිත්‍ය,ආගම,දර්ශනය වගේ විශයන් සැහෙන්න ප්‍රමානයක් මේ කලාවත් එක්ක එකට බැඳීල තියනවා.

රසායන විද්‍යාව පාඩමට එන්නෙ දැනුයි. :D

ආලෝකයෙන් නිර්මානය වෙන ඡායාරූපෙ සටහන් කරගන්න මාධ්‍යකුත් ඕනම වෙනවනෙ.ඒකට ඉස්සෙල්ලම පාවිච්චි කලේ කළු සුදු ඡායාරූප පටල.
ඊට පස්සෙ තමයි වර්ණ ඡායාරූප පටලත් ඊටත් පස්සෙ දැං පාවිච්චි කරන ඩිජිටල් ක්‍රමයත් කරලියට ආවෙ.

මේ කළු සුදු ඡායාරූප පටල වර්ග තුනක් තියනවා
  • ඕර්තොක්‍රොමැටික්   - Orthochromatic
  • පැන්ක්‍රොමැටික්       - Panchromatic
  • අධෝරක්ත සංවේදී  - Infra Red Sensitive

(රතු පාටට සංවේදි බව අඩු ඕතොක්‍රොමැටික් ක්‍රමය තවමත් මුද්‍රන කටයුතු වලදි පාවිච්චි කරනවලු)

කළු සුදු පටලයක් මූලිකවම සකස් වෙලා තියෙන්නෙ අදුන සහ පටල ආධාරකය කියන කොටස් දෙකෙන්.මේ අදුන හැදිල තියෙන්නෙ සිල්වර් හේලයිඩ් ස්ථරයකින්.ආධාරකය හැටියට ගන්නෙ සෙලියුලොයිඩ් පටලයක්.



වර්ණ ඡායාරූප පටලත් කොටස් දෙකකට වෙන් වෙනවා

  • දිවාලෝක පටල - Day light Films
  • කෘතිමාලෝක පටල - Artificial Light Films 
 මේ ජාති දෙකම ධන ඵලක පටල හා ඍණ ඵලක පටල හැටියට තියෙන්න පුලුවන්.
 වර්ණ පටලයක මූලික ව්‍යුහය




<< Blue Sensitive Emulsion


<< Green Sensitive Emulsion



<< Red Sensitive Emulsion




ඡායාරූප පටල ගැන විස්තර ඔච්චරයි.
පටල වේගය/සංවේදීතාව , ඩිජිටල් සංවේදක ගැන  ඊලඟ ලිපියෙන් කතා කරමු :)


Wednesday, May 30, 2012

පින්තූර කලාවේ ඉතිහාසය


ආස දේ ගැන දන්න තරමින් ලියනවා කියල හිතාගෙන පටන් ගත්තට වැඩ වැඩි කම නිසා මාස දෙකක් යනකං එක ලිපියකට වඩා ලියාගන්න බැරිවුනා.ඔය කෙලවරක් නැති වැඩ නිසාම ෆොටෝග්‍රැ‍ෆි ක්ලාස් එකේ දවස් තුනක පාඩම් මගහැරුනා.ඒකෙන් දවස් දෙකක්ම ප්‍රැක්ටිකල්.
පලවෙනි දවසෙ විහාර මහා දේවි උද්‍යානයෙත් දෙවෙනි දවසෙ කැලනිය පන්සලටත් ගිහින් තියපු ප්‍රැක්ටිකල් දෙකම මට මගහැරුනා.

බ්ලොග් එක ලියන්න පටන් ගත්තු දවස් වල ලියනව කියල හිතාගෙන හිටපු දේවල් වලින් ගොඩක් දේවල් දැන් අමතක වෙලා.
පටන් ගත්ත දේ දිගටම කරගෙන යන්න ඕන කියල හිතුන නිසා, පංතියේ මුල පාඩ්මේ ඉදන් ඉගෙන ගත්තු දේවල් මට මතක ඇති හැටියට ලියාගෙන යන්නයි මේ ලැහැස්තිය...

ඡායාරූපකරනය ගැන කියන්න යන මේ කතාව පටන් ගන්නෙ 1826 වගේ කාලෙකින්. ප්‍රංශ ජාතික  (Joseph Nicéphore Niépce ) නීප්ශේ කියන පුද්ගලයා තමයි මේ ලෝකේ පලවෙනි ඡායාරූපය අරන් තියෙනවයි කියල කියන්නෙ.මේ තියෙන්නෙ  ඒ පින්තූරෙ

එහෙම පටන් ගත්තු ඡායාරූපකලාවෙන් 1839දි මොඩර්න් ෆොටෝග්‍රැ‍ෆි සිංහලෙන් කිව්වොත් නූතන ඡායාරූප කලාව බිහිවෙනවා මේකට මුලුවුනු දෙන්නා ප්‍රංශ ජාතික ඩැගියුරේ සහ එංගලන්ත ජාතික ෆොක්ස් ටැල්බට්.
ඒ වෙනකන් ඡායාරූප චිත්‍රාගාර(Studio) වලට විතරක් සීමා වෙලා තිබුනු මේ කලාව 1900 වෙද්දි ජෝර්ජ් ඊස්ට්මන් කියන හාදයා පලමු ඡායාරූප පටලය නිපදවල ඊස්ට්මන් කොඩැක් සමාගම ආරම්භ කරනවා.මේකෙන් තමයි ඩොමෙස්ටික් ෆොටෝග්‍රැ‍ෆි ආරම්භ වෙන්නෙ

යුද්ධයකින් කලාවටත්,කලාවකින් යුද්ධයකටත් කිසිම වැඩක් නැති වෙයි කියල හිතුනත් දෙවෙනි ලෝක යුද්ධයෙදි ඡායාරූප කලාවෙන් විශාල වාසියක් ලැබුන වගේම යුද්ධය අවසන් වෙද්දි ඡායාරූප කලාවත් සැහෙන දියුනු තත්වයකට පත්වෙලා තිබුනා.

Photography කියන නම හැදිල තියෙන්නේ ග්‍රීක භාශාවෙන් ආලෝකයෙන් ඇඳිම කියන තේරුම දෙන  φωτός (phōtos)  සහ  γραφή (graphé)  කියන වචන දෙක එකතු වෙලා කියන කාරනාවත් අමතක වෙන්න කලින් කියන්න ඕන.
ඉතිහාස පාඩම එච්චරයි.

ඡායාරූපයක් හැදෙන්නෙ කොහොම ද?
ඡායාරූප සටහන් වෙන්නෙ මොනවයෙ ද?

ඔය වගේ දේවල් ගැන විස්තර ඊලඟ පෝස්ට් එකෙන් කියන්නම් :)

Wednesday, February 8, 2012

පලමු පින්තූරය

මේ සූදානම මම ආස කරන ඡායාරූප කලාව ගැන මම දන්න දේ බෙදා හදාගන්නයි.

ඡායාරූප කලාව ගැන මම දන්නෙ මොනවද? හිත මගෙන් අහනවා….

ඇයි
බන් දන්න කාලෙක ඉඳලා කැමරාවක් අතට හැටියෙ සිහියක් නැතුව ෆොටෝ ගැහුවෙ?

එහෙම
කලාම ෆොටෝග්රැෆි පුලුවන් වෙනවද? ෆොටෝග්රැෆි මට පුලුවන්ද?

මගේ
මතකය කියන හැටියට ඉස්සෙල්ලම[2002] තාත්ත (අක්කට) අරන් දීපු කොඩැක් KB10 කැමරාවෙන්,ඊට පස්සෙ [2006] බාප්පා රට ඉඳන් එද්දි ගෙනත් දුන්නු Sony DSC-S60 කැමරාවෙන් ඒක කැඩුනට පස්සෙ Samsung SGH-f480 ෆෝන් කැමරාවෙන් සහ අතරතුර යාලුවන්ගෙන් ඉල්ලගත්තු Fuji finepix S1000fd වගේ කැමරා වලින් එක දිගට පින්තූර ගත්තා.

අතරෙ ෆොටෝග්රැෆි ගැන තද උවමනාවකින් හොයාගෙන නොගියට අතට හම්බුනු ෆොටෝග්රැෆි සම්බන්ධ හැම ලිපියක්ම කියෙව්වා.

2011 මාර්තු මාසෙ සීගිරියට ගිය විනෝද චාරිකාවෙ පින්තූර සකස් කරද්දි තමයි මගේ හිත මට කියන්නෙ උබ ෆොටෝග්රැෆර් කෙනෙක් වගේ කියල.එදා ඉඳන් තමයි මම ෆොටෝග්රැෆි ගැන හරියටම උනන්දු වෙන්න පටන් ගන්නෙ.

මූනු පොතට එක් වෙලා හිටියත් ඒකෙනුත් ෆොටෝග්රැෆි ගැන හොයන්න පටන් ගන්නෙ ඊට පස්සෙ.එතනදි තමයි මට හම්බෙන්නෙ Photo-Talk  කණ්ඩායම.

මම ෆොටෝග්රැෆි ගැන මේ වෙනකොට දන්න දේවල් වලින් 98%ක් ඉගෙන ගත්තේ එතැනින්!
කණ්ඩායමේ සැරි සරන කොට තමා මට දැනෙන්න පටන් ගත්තෙ ඡායාරූප කලාව කියන්නෙ මහා විසාල විෂය කොටසක් කියන එක.

දැනුම මුල ඉඳන් විදිමත්ව  හදාරන්න ඕන කියන සිතුවිල්ල හිතේ නලියමින් ඉන්න වෙලාවක තමයි NAPSL(National Association of Photographers) එකේ තියන පාඨමාලාවන් ටිකට ඇහැ ගියේ.
විශ්වවිද්යාලයේ මට උගන්වන ගුරුවරයෙක් මට කියා දුන් අදහසක් තමයි තමන් ඉගෙන ගන්න දේවල් ගැන බ්ලොග් සටහනක් ලියන්න කියන එක.

මම කලින් කියපු NAPSL එකේ Certificate Course in Amateur Photography පාඨමාලාවෙ පලමු දවසට සහභාගී වෙද්දි මට හිතට ආපු අදහසක් තමයි මේ වගේ ඡායාරූප කලාව ගැන මම ඉගෙන ගන්න දේත් බ්ලොග් සටහනකට එක් කරන්න ඕන කියලා.

යම් විෂයක් ගැන මනා දැනුමක් නැතිව මෙහෙම ලියන එක වැරදියි කියල කෙනෙක් චෝදනා කරන්න පුලුවන්.නමුත් මගේ අරමුන කාටවත් ඡායාරූප කරනය ඉගැන්වීම නොවෙයි.

මගේ එකම අරමුන  මම ඉගෙනගත් දේවල් මේවායි කියල බ්ලොග් අවකාශයට එකතු කරන එක පමනයි.
මම මේ ලිපියෙන් පටන් අරන් ලියන්න යන ෆොටෝග්රැෆි සම්බන්ධ ලිපි පෙලේ සම්පූර්නයෙන්ම අඩංගු වෙන්නෙ  NAPSL එකේ Certificate Course in Amateur Photography පාඨමාලාවෙන් මම ඉගෙන ගන්නා දේවල්. නමුත් මේ බ්ලොග් සටහන කියවලා පාඨමාලාවෙන් ලැබෙන සම්පූර්න දැනුම ලබාගන්න බෑ.ඒකට (ප්රායෝගික ක්රියාකාරකම් සහිත) පාඨමාලාව හදාරන්නම වෙනවා.
හැඳින්වීම එපමනයි


ප්රභාලේඛනය,ආලෝක චිත් කලාව නොහොත් ඡායාරූපකරනයේ ඉතිහාසයෙන් පටන් ගෙන වර්තමානය හරහා අනාගතය තෙක් ඉගෙන ගන්නා සෑම දෙයක්ම බෙදාහදා ගැනීමට ඔබත් එක්වන්න…. :)